تطوع معانا


الفكرة ببساطة جدًا جمعية "جنات الخلود" فكرتها قايمة على تنمية المجتمع مش التصدق عليه، وأكيد مش هنقدر ننميه لوحدنا مهما كانت طاقتنا ومواردنا

البشرية مليانة كفاءات فوجودك معانا هيضيف لينا اكيد.

وعليه بندعوك للأنضمام لفريق التطوع الخاص بجمعية "جنات الخلود" عشان تضيف لينا من خبرتك وتدينا من وقتك ومجهودك اللي يساعدنا نحقق هدفنا في تنمية المجتمع وأفكتر دايما ان جنات الخلود بتنمي مش بتتصدق.

يلا ايديك في ايدينا نجدد نواينا ان كل حياتنا واعمالنا هتكون خالصة لوجه الله تطبيقاً لقوله تعالى" قول إن صلاتي ونسكي ومحياي ومماتي لله رب العالمين" فأحنا قررنا نخلي حياتنا واعمالنا خالصة لوجهه.


تعالى وشاركنا وشوف شغلنا على أرض الواقع اصل احنا مش بتوع كلام ولا اعلانات
فضلا شارك معانا في جروب العمل التطوعي "كتر خيرك وفرح غيرك مع جنات الخلود"

https://www.facebook.com/groups/137489259949388/?fref=ts

ولو مش عارف احنا مين ادينا من وقتك دقيقتين نقولك احنا مين


شاهد أنشطة جمعية جنات الخلود المختلفة وتعرف على كيفية نشأتها ودورها البارز في تطوير وتعمير وتنمية حي الدويقة بالقاهرة

بساطة كدة احنا جمعية خيرية بتشتغل من 13 سنة بنشتغل في صمت في منطقة حي الدويقة ومنشية ناصر وطبعا حضرتك عارفة طبيعة الحي من تأخر فكري وتدني المستوى المعيشي والحمد لله قدرنا نعمل حضانة تستوعب 320 طفل من اهل المنطقة من سن 3/ 5 سنوات تعلمهم مهارة القراءة والكتابة والحساب"عربي وانجليزي" ومنهج بناء الشخصية وتعليم منهج منتسوري بجانب تقديم وجبتي افطار وغذاء يوميا
غير برنامج مسائي يضم 180 تلميذ وتلميذة من الصف الاول الابتدائي حتى الصف السادس وذلك للأستمرار في تميز الطفل دون الاعتماد على ولي الامر بجانب تنمية مهاراته التعليمية والمعرفية والسلوكية.

كمان عملنا مشغل للخياطة ومشغل سجاد بمنطقة حي الدويقة المشغل متكامل يحتوي على وحدتين احداهما مفروشات والاخرى ملابس يستوعب المشغل 30 فتاة وسيدة من اهل المنطقة كعمل لهم من منطق "لاتعطيني سمكة ولكن علمني الصيد"،فقمنا بعمل دورات مهارات الخياطة مدتها 3 شهور لتعليمهم وتوظيفهم بعد الاجادة في مشغل يحتوى 26 ماكينة من جميع مراحل الانتاج بجانب تقديم وجبة غذاء يوميا وتقديم شنطة غذاء لاسرهم شهريا.
النشاطات الموسمية
اغاثة القرى المتضررة من الامطار والسيول.
توزيع اللحوم والاضاحي على الفقراء.
توزيع بطاطين وملابس على الغير القادرين.
توزيع ملابس العيد على ايتام وفقراء منطقة الدويقة.
الاحتفال بالمناسبات الدينية والاجتماعية المختلفة.
زيارة دور الايتام والمسنين وحملات التبرع بالدم وحملات ادخال السرور على الاطفال المرضى.
كفالات ومساعدات مثل زواج الفتيات اليتامي على مستوى الجمهورية بما يزيد عن 3000 حالة.
اقامة معارض للملابس المستعملة في اماكن مختلفة بالجمهورية
اعداد وتوزيع الشنط في الازمات التي مرت بها البلاد مثال "حظر التجوال" بجانب شنط رمضان طبعا.
وحملات التبرع بالدم ومساعدة المتضررين زي حريق منطقة قلعة الكبش بالسيدة زينب والاماكن المنكوبة من السيول في اسوان سيناء.
رسالتنا بسيطة جدا
وهي التعليم ونشر الوعي لاننا مؤمنين ان التعليم اساس التطوير والتنمية فحابين ننشر ثقافة التعليم الحرفي لانهم ادوات المجتمع الجاد فالتطوير غير الكفالة الاجتماعية اللي بتقدمها الجمعية وتنمية الفرد بالمناطق العشوئية والفقيرة ويكون مثل ايجابي يحتذي به
كدة بقى يامعلم ملكش حجة متشاركش معانا
لينك الاستمارة تاني اهوة :D
http://goo.gl/forms/68V61H516l
وشاهد تاني أنشطة جمعية جنات الخلود المختلفة لو مشوفتهاش وتعرف على كيفية نشأتها ودورها البارز في تطوير وتعمير وتنمية حي الدويقة بالقاهرة

اتصل بنا

العنوان

مدينة الرحاب المبنى الإداري خلف مجمع البنوك الدور الثاني مكتب 208


موبايل

0226073226
01117002078
01117002073


إيميل

ganat.elkhlod@gmail.com

راسل الجمعية





© 2015 All Rights Reserved. Website designed and developed by Topaz.Solutions